電影 - 五星級大鼠

廸士尼的卡通片一向以優美畫功及高質素質素取勝。今個署暑假便有「五星級大鼠」。故事畫巧精細，法國巴黎的夜景，老鼠毛及人臉上的表情和縐紋也清晰可見，栩栩如生。故事生動有趣，哄得大人和小朋友哈哈大笑。我認為是近年來難得的廸士尼卡通片。

 

故事講述為食大鼠味王(Remy)天生嘴刁為食，畢生志願是成為五星級大廚。味王膽粗粗去到美食之都巴黎，想入廚房煮兩味，結果遇上不懂煮食又論論盡盡的廚房打雜闊條麵(Linguini)，更準備合作大展拳腳，由味王使出真功夫，由闊條麵出面又「出手」。當然搞到全城一鑊粥，炒起無數笑料！

餐廳的廚房有老鼠出現，俾人知道仲駛做生意？餐廳更加等住查牌兼封舖！究竟一隻人見人怕的老鼠，怎樣在「生鼠勿近」的廚房闖出名堂？雞手鴨腳的闊條麵，又怎樣代鼠落廚？出名尖酸刻薄，食肆俾佢踩過等執笠的魔鬼食評家梵高森，亦已瞄準味王所在的餐廳…到底味王能否成為真正的五星級大廚，實現這個不可能的夢想？

 

以老鼠成為人間故事的主角，可謂創意無限，可以說是「爆燈」。有誰想到你在餐廳吃的食物是由老鼠主理呢？內容非常勵志，只要你有理想，肯努力，最終都可以出人頭地，獲得成功。而片中一些片段也富哲理性：

 

1. 老鼠被水沖走, 同家人失散後, 隻"鬼"教訓佢事情發生左, 你點都要向前行, 留起度無用, 你要爬上去感受下個世界係點.

2. 老鼠爬到上餐廳, 老鼠因為肚餓, 見到麵包同芝士就想偷黎食. 隻鬼立即出黎教訓佢, 就算你係老鼠, 你肚餓, 都唔可以偷野食.

3. 老豆帶個仔去老鼠藥店睇老鼠夾+老鼠屍, 叫個仔接受現實, 做老鼠係一定要偷野食, 一定要食垃圾. 但個仔好蔑視佢老豆, 同佢老豆講:

"路係人行出黎". 之後企高用兩隻腳走左去.

去到最結尾 "食評家評語", 係全套係的高潮, 帶出了整個劇本的message:

社會的世俗眼光, 習慣了對出身低微的人于以歧視, 從不給予他們一個機會. 其實, 出身低微亦可以是有才華的人,大家又何必要帶有色眼鏡睇人?

 

片中的哲理可能小朋友未必完全明白，但相比港產片很多時只是笑完就算或者打打殺殺，更適合一家大細觀看。