本地好味Hot Dog

今日到位於中環昭隆街的永樂園餐廳吃馳名的本地熱狗

。餐廳包括地舖及地庫。地舖沒有座位。外買必定要在地舖付款及取食物。

點解咁馳名?因為有名人光顧及食家推薦囉，有關之琳、蘇絲黃、歐陽應霽等。 因此，付款後取熱狗條隊有時可以很長。今天下午，條隊由門口排至將近電車路。報紙雜誌專欄說日賣1500個。自從上星期六晚上8時的有線12台"一粒鐘真人蘇"，由阿蘇及肥仔泰推介後，更廣為人知。我試過上星期五下午6時半左右購買，四眼老闆話沽清。 今日佢同我講因為阿蘇，星期五賣出2500隻熱狗。

每隻熱狗，不會是美式/西式有芥醬茄醬，甚至是有蕃茄酸瓜片。只是很簡單的有個熱狗包(無芝麻，不是嘉頓麵包出品。)，裡面有獨門自製沙律醬(有牛油、蛋黃、糖、鹽、醋、芥末粉、酸瓜碎等，每日新鮮製成喎!)及由荷蘭入口的ZWAN牌香腸。每隻$6。雙腸熱狗$8。

味道怎樣?三樣材料好夾，a perfect match，好食。香腸不大不粗，但一定不會有美國廚師牌雞肉腸的一陣味/鹹味。不過，未能給我大驚喜。因為小時侯，我住元朗家地下一間名叫波士頓快餐店亦有同樣的熱狗。醬汁可以說是一樣，只是未必用同樣的香腸。大家行開街或在中環上班，不妨買隻試熱狗試下。

提醒你，星期日及假期休息。