Soldier 的世界: 2006

2006年12月31日星期日

2006年12月26日星期二

滿城盡帶黃金甲

昨天與太太看了

滿城盡帶黃金甲。導演是張藝謀，演員有：周潤發(皇帝)、鞏俐 (皇后)，劉燁(太子)、周杰倫(二王子)。故事是圍繞宮廷鬥爭，後宮的情慾交錯。

電影又是張導演/很多大陸導演要表現的大場面，金碧輝煌。演員有大明星。背景是在唐朝，真是要皇宮幾華麗，幾多人都可以。論美指，可以說是101分。可能又係想在外國攞電影獎。我就覺得幾浮誇，不知當時唐朝是否那樣子。

故事還算合理，無悶場，演員又演得幾好，恰如其分演出其角色。不過，二王子帶領的「金菊兵」大戰「黑旋風」及衛兵的一場宮廷大場面拍得甚差！只用特技複製人海畫面好硬！毫無生氣。

2006年12月20日星期三

鐵金鋼智破皇家賭場

007占士邦電影已有四十六年歷史。而最新的一套鐵金鋼 007 已在十二月二十日在香港粉墨登場。今日放假，去了新開不久的金鐘AMC看鐵金鋼智破皇家賭場。

這個新James Bond的演員是一個金髮現年38歲的英國男星叫丹尼爾基克(Daniel Craig)。他是第6位飾演此角色的演員。

占士邦是由英國作家伊安法蘭明所創造的英國特務小說。在我們心目中007James Bond 已有一個形象他外型一定要優雅俊朗、有男性魅力，更要有紳士風度，要身手敏捷，冷靜、永遠打不死。片中邦女郎的女角更是美艷性感。影片常在不同的國家拍攝、充滿異國風情。其中一部還來香港取景呢!還有他所使用的武器永遠都是最頂尖的科技產品。

所以，鐵金鋼必定有故事、超勁武器、靚女和靚仔James Bond。今次套片，新武器可以話沒有。全片多見James Bond的身手和那支滅聲氣手槍，那寶馬跑車可以說沒有武器。以前無論是Austin Martin或寶馬跑車，總會布特別機關，如可以轉車牌/有機關槍/火箭/可以滑雪。今次，架車只有一此針藥去解毒及布個小型心臟起膊器，而架車一失事反車，成架車散晒。另外今次的片頭唔見一直以來的經典占士邦音樂及圓型在開槍時左右擺動。

故事仲無離頭，一開始講James Bond要殺兩個人才可以升級叫007。以往的每套片都係一開始James Bond已是007。為何突然講到佢好似第一日上班攞個007編號呢?如果係的話，即係007一定=James Bond?另外，除了前及尾部份，中間的戲肉曷講占士邦拿著英國政府的大筆錢，去一個犯罪份子的賭局賭錢，目的是唔比佢嬴錢。賭錢場面完全好悶，更加唔會有出千/用高科技睇人底牌。唔通已拍了太多套鐵金鋼電影，已經技窮?好在還有兩個美女出場補數，可惜是兩個都要死。

2006年12月12日星期二

孫中山紀念館

今天放假去了新開的孫中山博物館，地點在半山衛城道7號。博物館前身是甘棠第，即何甘棠先生的住宅。後來成為基督後期聖徒教會香港總部。內裡特色就是那些彩色玻璃窗。博物館收費$10，逢星期三休息。

甘堂第外貌

一樓露台

孫中山像

欄杆

一樓大廳

二樓

彩色玻璃窗

樓梯

2006年12月2日星期六

長者的微笑 - 銀杏館

講到餐廳服務有誠意，我會介紹今天我食午餐的銀杏館Ginko House。它位於中環歌賦街44號地下，樓高兩層。它斜對面就是著名的九記牛腩。

點解又與長者拉上關係呢?

它是首間聘用長者為主要員工的機構。除了廚師和經理外，待應收銀全是長者。這班「非常」員工力求做到一絲不苟，敬望帶給顧客意想不到的卓越服務，令顧客有賓至如歸的感覺。

就今日我見，經理叫一位伯伯待應下班，位伯伯話要做到有某數目的顧客到餐廳才下班，其工作誠意可嘉。我老婆之前亦有惠顧午餐。她說，雖然他們因顧客多時常出菜有錯，佢地不時同你say sorry。你點可以嬲他們呀!她們在二樓食完飯行落地下，佢地一班待應會一排列隊同你say goodbye。

你話啦

，係唔係好warm?

佢地的廚師來自五星級酒店及高級意法餐廳，具豐富高級西餐飲經驗。

佢地仲有到會服務

，滿$2,000或以上，港島或九龍區免費送貨。$3,500或以上仲有九折。電話: 2545 1200 。這個餐廳背後收入扣除成本開支後，全數捐推動長者就業之服務經費。

網址: http://www.gingkohouse.org/

五餅二魚美食料理

早幾個月，我家附近開了一間有基督教教會背景的餐廳，名叫「五餅二魚美食料理」。由於有教會背景，佢地唔會一味賺錢，服務亦不錯，算有誠意。最初佢只有西餐和日式西餐，而且日日只有相同的幾款午餐/晚餐，生意真係好差。現在已加入中式食品，以迎合一般街坊口味。而且餐廳附近亦有幾間基督教教會，總算布一班同聲同氣的人支持及包場聚會。我想現在生意還可以啦。

場地會播放有線15台的宗教節目，但佢地唔會刻意向你傳教，你有你食嘢，佢有佢做生意。你唔會被待應滋擾。有機會來屯門，不如試下這間餐廳啦。